Die ups en downs van 2009

Ek weet nie of dit nostalgie is, -of net om te kyk of ek (ons) nie te gek geword het die jaar nie. Hmm, persoonlik sal ek die nostalgie opsie kies. Die jaar het afgeskop by Andies-hulle - Ma was in die Kaap by die Doepies. Ons het ook vroeg Januarie 'n draai op die plaas gemaak (Bosveld in Januarie = Gek - maar ek bly by die nostalgiese deel van die blog. Sanmari, Gert & Hantie en oom Willem moes bont staan om my koel te hou. Chilli Cherry het talle koeke gebak, een wat vir my uitstaan is die Valentyns-gebak (dink Yakim en skool het op-ge-eindig met die een) Maart was Jaco se 40ste. Kan dit nog steeds nie glo nie. Ek dink nou nog 40 is oud (no offence !) April was 'n roller-coaster maand. My verjaarsdag, 'n baie belowende opsie om Aus toe te trek het gevou. Sanmari moes my in die hospitaal sit oor 'n blindederm wat wou bars. Ek moes met genade uitvind dat ek allergies is vir Pethedine. Ek en Sanmari is verloof. Die dag was baie lekker (die paartie op Steynsvlei) Ek was ook by oom Angus se plaas (MMC 2009) - die naweek was baie vervullend, ondanks die drama wat daar afgespeel het. Sanmari het ook partytjie-borde geverf vir Tilana. Ek moes natuurlik die raadgewer wees - wat ek ook al van kuns of verf weet. Einde Julie het ek werk in Aus gekry. My visa was net 'n formaliteit. Ons moes ook vir Mia verkoop (Sanmari se Polo vir die wat nie weet nie) September maand was natuurlik die groot trek. Ek en Sanmari het in Northbridge in Perth tydelik in 'n backpacker huis gebly. Dit was definitief een van die 'most trying times' van my lewe. Op 5 Oktober het ons lewens hier in Perth stil gestaan. Ons moes oom Frikkie groet. Die werklikheid van die vreemde was nog nooit so tasbaar nie. Ons nuwe permanente adres in Perth is amper op die Swan rivier, net suid van die middestad. Net 'n 10min bus-rit in stad toe - en vêr genoeg om die stilte te waardeer. Ons het nog baie min van die vreemde land gesien. In die nuwe jaar hoop ons om soveel meer te sien en te ervaar. Ons hoop vir liefde en vrede en God se seen vir julle almal. Liefde Hanco & Sanmari

Kreepy-crawly blaas meesters

Julle weet, die Australiaanse inboorlinge (Aboriginal people) het die didgeridoo, die pyp ding wat hulle blaas. Ek weet nie hoe hulle die gat deur boor nie - maar dit maak seker nie saak nie - maar die ding maak 'n helse lawaai. Ek weet nie wat is dit met die liefde vir lawaai van pyp-blaas instumente nie. Kyk, daardie kreepy-crawly pyp blaas meesters klink nes vuvu-zela blaas meesters. Nie rerig 'n kompliment nie.

Groete

H

Dis naweek en ons het gaan Zoo

Hi ammal,

Die weervoorspelling het goeie weer vir ons voorspel, en ons het besluit om te Zoo vandag. Sanmari wil net koalas sien. Ons is toe vanoggend Zoo toe. Die experience was soos om 'n Tripple-fudge Sundae met neute en als te bestel - en jy kry 'n rooi lollie. (O ja onthou dat ek julle van die millkshake episode vertel). Anyway, dit was 'n terleurstelling. Hulle het ten mintste een van alles. Al is die diere half dooi. Ons het in die hitte van die dag redelik vêr geloop - al die verskillende dier-zones besoek.

Van verre Afrika deur Asië na Australië. Die Zoo-shop het ook meer Afrika in as die Kruger-wildtuin. Ons het darem die befaamde killer Kangaroos gesien. (toegids wys na kangaroo foto)

Hulle doen heeldag niks en vreet wortels, nes hase. Dragtydperk is 30 dae - so hulle doen ander dinge ook nes hase.

Die skaam koala (een van al twee) in die dieretuin is hoog in die boom. ....eerrr.... of is dit nou hoog op boom. Die blare wat hulle vreet (Eucalyptus bloekom-blaar-us) word ingevoer Perth toe. Toergids wys na koala foto.

Dit is die koala-kangaroo - of lyk vir ons soos 'n kruising. Wollerige pels vir daardie koue winters-nagte. Toergids wys na .....die rooierige pels-dier in die foto.

Hier is sekerlik een van die hoogtepunte van die dag. Klein apies, met snorre soos julle nie kan glo nie. Ek wonder of hulle dit trim, en groom. Toergids vryf oor sy eie (denkbeeldige) snor

Skilpad - nogal 'n kneuwil. Seker so groot soos .... Ella. En hy poep nes Ella ook.

Toe hetdie dag begin baie warm word - en ons moeg, en dors. Die weer het 35 vir vandag voorspel. Ek dink hulle is nie vêr verkeerd nie. Marr die son is nie so vel soos die plaas se son nie. Ek het nognie saam met die water-skilpaaie in hulle dam geswem om af te koel nie.

Die toergids is nou moeg - hy moet gou die aircon aansit om ons huisie koel te kry. Ja - dis nou 30 in die huis.

Baie groete en liefde vir almal by die huis !

Hanco & Sanmari

Die nuus in Perth

Die nuus in Perth (volgens vannaand se TV) was:
Haaie naby die kus gewaar
Die parlement (in Perth) stem of die besigheids-ure van 6pm tot 7pm weeksdae verleng gaan word.

Ek waardeer die items se nuuswaardigheid baie meer - as sê moord of diefstal, of korrupsie of ....

Groete
H

Rugby en Footy

Aussie les 101

Rugby is nie baie groot hier nie - meeste mense weet wat rugby is, maar die fokus is rerig op aussie footy.  Vir 'n vinnige oorsig, kyk maar die video hier onder.

http://www.youtube.com/watch?v=d-PFRrJQtew

Die fans laat my dink aan sokker fans. Hulle is baie emosioneel oor die spel. Alles kom tot stilstand as daar 'n groot wedstryd is.

Van die reëls, kan ek julle min vertel - ek verstaan ook nie heeltemal die obejctives so goed nie. Sanmari is baie meer ingestel op hoe dit lyk en nie hoe die spel gespeel word nie. Opmerkings soos moffie-truie, hulle hardloop soos sprinkane, hulle hug mekaar heeltemal te veel word gehoor.

Ons het 'n lang pad as ons die spel moet leer verstaan.

Groete
Hanco & Sanmari

Totsiens, Oom Frikkie

My familie groet vandag ons geliefde oom. Ons sal hom mis. Ons vind troos dat ons Hemelse Vader hom nodiger het as ons. Wie anders sal die teëls van ons huise in die hemel lê?

Ons sê dankie vir die tyd saam. 'n Beter voorbeeld van 'n familie-man sal ons nie weer sien in ons leeftyd nie. Ons gedagtes en herhinneringe is soet. Altyd reg met 'n glimlag, of 'n bietjie raad.

Totsiens, Oom Frikkie.

En so begin ons blog

Hi ammal,

Die sniffels het my onderlede. Ek is vandag vroeg van die werk af huis toe. Ons het darem die naweek so bietjie rustiger gevat. Geen meer huis jag (jag is die regte woord ja), of van die oggend tot die aand in die winkels lê nie. Net ge-chill. Ons het darem nou 'n beter internet connection. Alles hier is net op 24 mnde kontrakte. Weet nie of ons so lank hier in die woonstel sal bly nie.

Die mense hier is weird. Ons waag dit nie buite sonder lang moue en sambreel nie. Dit lyk my dis mode om die broekie so klein as moontlik te maak (girls & boys) en dan 'n basketball sweetpak top, met die kappie op. Die koppie moet toe, maar die bene moet kaal.

Zahn sal baie mooi inpas hier. Die girls kleur ook hulle hare alle kleure. (no offence). Hulle het sulke NZ chochies hier - Whittaker's - baie goedkoop en baie lekker - met 70% kakao. En Tim Tams. Dis snaaks hoe mens altyd aan jou maag dink as jy siek is.

Ons is nou amper heeltemal uitgesort hier. Ons het die naweek ons mediese fonds gekies. Ons het 'n semi-permanente adres, my werk is uitgesort. Nou kort ons net kuier-gaste. Ek moet sê - 'n blaar, vrug of boomtak van die Toyota-boom is ook op die lys.

Ons is so trots op Francois se groente tuin. Met eco-recycled reën water en als. Ek moes net seker maak Francois het genoeg pressure om so min moontlik elektriese pomp te gebruik ! :) Gebruik gerus die formule om druk te bepaal. (as jy nog jou NAS kan onthou, anders Google dit soos ek !)

Onder-aan is 'n foto wat ek die naweek geneem het. Dis die sonsondergang, geneem vanaf ons balkon oor die local supermark na die Swan-rivier toe.

Groete en liefde - Hanco & Sanmari